G.E.M.年底殺入紅館
鄧紫棋（G.E.M.）昨日以「傑少選舉之星」身份現身「第八屆香港傑出少年選舉」，G.E.M.透露將於12月或明年1月攻入紅館：「個期已經批咗，度緊啲學生考試、放假嘅問題。（最細年紀喺紅館開騷？）唔知，冇查過紀錄。」暫時只出過兩隻碟的G.E.M.被問到會否太快於紅館開騷？她說：「唔會嘅，年尾都入行兩年幾。（咁都唔快？）多謝公司畀機會同咁錫我。」
G.E.M.又稱9月會再推出新碟，入行作品合共25至26首歌，她表示個唱上會演繹其他歌手作品，至於場數問題及銷情，G.E.M.直言交由公司處理。