欣宜「出嫁」 冇通知老竇
鄭欣宜昨穿上婚紗在陳淑芬見證下簽約星煥國際娛樂有限公司，陳太將欣宜交給公司高層何哲圖（Herman）時說：「我代表沈家將欣宜嫁畀你，你要好好善待欣宜。」Herman即說：「我會。」企在中間的欣宜無厘頭說：「我願意。」
事後，問欣宜為何不將經理人約簽給陳太？欣宜說：「佢一直有幫我，唔想一世麻煩佢。（點解着婚紗出場？）簽約同結婚一樣咁重要嘛。」問到簽約唱片公司有否通知爸爸鄭少秋？欣宜說：「未話佢知，唔明點解大家將責任推晒落佢度，我八個月大佢離開咗我同媽咪，大家畀太多壓力我哋，我相信爸爸最開心係見到個女成長、放心去做決定同學習。」