關心妍暗寸法拉 爆喊搶鏡

本報日前獨家披露陳法拉的Neway大少男友薛世恒為力撐女友，放棄家族生意另起爐灶開新唱片公司星煥，昨日星煥國際有限公司舉行記者會，並與陳法拉、關心妍、劉欣宜及女新人吳若希簽約成為旗下藝人，並獲樂易玲、陳家揚、陳淑芬及各大電台高層捧場。

薛家完全冇股份

身為公司揸fit人的何哲圖（Herman）在會上三度否認薛世恒是公司大老闆：「100%唔係大少（薛世恒）開，薛家亦冇投資，完全冇股份。」之後，四女分別上台簽約，身穿泰山連身短裙的法拉，談到成功做到歌手，最開心是雙親時，突然淚如雨下，成功搶鏡，比壓軸出場的Jade更輕易地成為傳媒焦點。

法拉擁抱欣宜祝賀，令身材呼之欲出。

法拉突然落淚，在旁的樂易玲即拿出紙巾給她。

拒講男友家庭事

事後法拉解釋因感觸而「爆喊」，她否認新公司由男友薛世恒成立，但被問到是否肯定男友沒注資時，她卻口窒窒說：「唔清楚，要問Herman。（有指你簽星煥係為失勢嘅男友出氣？）唔係，與其他人無關。」對於男友被指在家族生意失勢？法拉說：「唔好咁評論，上市大公司，傳聞會影響運作。佢哋屋企人好好，唔好挑撥兩兄弟感情。（兩兄弟有冇傾偈？）唔方便講人哋家事。」Jade對於被搶風頭說：「我只做音樂，冇諗咁多。（法拉係一姐？）都好，個個都係一姐。」

關心妍獲老公Jonas送上花籃支持。	關心妍當眾「簽約」，與何哲圖正式成為「一家人」。	（左起）吳若希、欣宜、關心妍和法拉齊為簽約新公司舉杯祝賀。

採訪：音樂組