朱紫嬈雞手鴨腳 賣碟唔收錢
實力派女新人朱紫嬈（Khloe）的處女碟於上月十七日推出，日前她親臨唱片舖買碟攞個好意頭，並臨時充當售貨員，不過身嬌肉貴的她，似乎不知如何當售貨員，記得收錢又忘了遞碟，記得簽名又忘了收錢，表現得雞手鴨腳，不過歌迷未有因偶像慢手慢腳而動氣。
Khloe表示稍後將會返內地作巡迴宣傳，由於工作忙，連和家人相處的時間也大大減少，問她日漸消瘦，母親可感肉赤？Khloe謂：「冇喎，佢睇我咁努力工作，好開心添。」
有傳同唱片公司的師兄蘇永康將離巢，問Khloe可感不捨？她說：「有少少啦，其實我同師兄仲有一首國語歌錄緊，如果佢走咗，唔知點算，不過我估佢唔會唔理我。」