李蘊大個女 殺「胸模」
書展曾被o靚模寫真集「佔據」，今年o靚模被禁搞簽名會，形象清純的李蘊（Renee）將出寫真集，宣布加入戰團，更會突破性感極限，以健康性感惡鬥「胸模」！
日前，Renee出席商場活動時透露下月書展期間出寫真集，造型包括Deep V及小背心，展示大個女的魅力，問到有何絕招殺敵？她說：「寫真集入面我會好性感，同以前嘅我好唔同！早排我返咗內地一間酒店度影，着住背心趴喺床上面，畀人啱啱瞓醒嘅感覺。（希望銷量幾多？）過萬本啦！所以我會叫啲朋友每人買幾十本！」對於同門的劉欣宜（E Cup Baby）亦將推出噴血寫真集，Renee表示她倆會互買對方的作品以示支持。