克勤「打球證」：使唔使拉我?
英格蘭日前在世界盃上出現「問題球」，忠實粉絲李克勤即在微博公開表示要夾錢打球證，言論出街後引起社會各界回響，克勤昨日接受電台訪問時表示：「我係半個文化人，好小心，我只係話『如果有人』打球證就預埋我！」
講波講出火
對於被指不應有暴力語言，克勤不忙作出道歉：「如果有人覺得我係壞人，咁我下次小心啲，唔好意思！（有人話你犯咗法？）咁嚴重？使唔使拉我？」克勤亦盛傳跟主持世界盃電台節目的林海峰講波講出火，他笑言：「受歡迎嘅節目一定有是非，係呀，我同佢愈嚟愈嚴重，大家一聽就知，唔聽就唔知！」
克勤亦否認林海峰經常黑口黑面對住自己，反而覺得跟對方很相似，他說：「我同佢都係少說話多做事嘅人，每次通電話唔會傾多過兩分鐘，唔好嘥時間傾無謂電話，寧願用多啲時間陪吓仔女，睇吓佢哋啲功課！」
文：音樂組