陳偉霆收o靚教跳舞
藝人向來為善不甘後人。陳偉霆、鍾舒漫、馬國明、蔡穎恩（Evelyn）、陳嘉寶（Anjaylia）及男子組合4anda昨日分別代表歌星界、電視界及模特兒界為麥當勞叔叔之家慈善義賣作宣傳。陳偉霆希望教兒童跳舞活動筋骨，鍾舒漫就想出兒童畫冊。
陳偉霆等人昨日身穿由台灣舞王小豬設計的愛心T恤作義賣宣傳，有關收益將全數用於慈善。蔡穎恩、陳嘉寶及男子組合4anda都有意效法小豬，自行設計T恤籌款。剛在美國學完跳舞的陳偉霆，希望以行動做慈善項目。曾做過兒童節目的他，自言湊小朋友絕冇問題：「仲可以義務教佢哋跳舞，郁動下手腳對康復都有幫助！」
鍾舒漫盼出兒童畫冊
鍾舒漫直言勁鍾意小朋友，計劃將來推出兒童畫冊。她又揚言將來要生「一竇」小朋友：「最好一次過生幾胞胎啦！」同樣勁愛小朋友的馬國明，平日亦有帶兩名姨甥仔探訪讓他們感受自己的幸福。他表示最想係生女，可以黏住爸爸多啲，奈何現時未有理想對象，亦未有足夠銀彈生仔。
文：盧坤穎