傅穎衣帽間沉思賞海景

傅穎（Theresa）自入行後一直當租客，去年她細屋搬大屋，還騰出兩個房間當作衣帽間及書房，僅留最細的房間作睡房，由於衣帽間空間大，Theresa棄用衣櫃，改以柱來掛衣服，儼如服裝舖般，貪其「易睇易揀」，她謂：「呢個房本身係主人房，但我太多衫，所以就改做衣帽間，因為地方夠寬敞，我夜晚成日都入嚟，坐喺地下望窗外嘅九龍、香港景色，日頭就睇海景，係一個諗嘢嘅好地方。」
愛拍照的傅穎在家也機不離手。
愛拍照的傅穎在家也機不離手。

作為藝人打扮很緊要，所以Theresa於家中設了一塊全身鏡：「呢塊鏡好有用，除咗每日出門前，睇一睇自己成身打扮，又會睇下襯衫襯成點，仲會用嚟練舞。」甚少於家中下廚的她，平日只以小小的茶几代餐桌，沒料遭其國語老師投訴，惟有買下一張麻雀枱：「我都唔打麻雀，同埋張枱同我屋企唔係好夾，但因為老師話上堂咁唔得，所以我咪即刻落樓下買囉！」

衣帽間藏衫多如服裝舖。
  • 衣帽間藏衫多如服裝舖。
Theresa躺在家中自由寫意。
  • Theresa躺在家中自由寫意。