徐遇安睇好林峯法拉必爆

徐遇安於七十年代在無綫工程部擔任視訊員，由於經常在導演左右幫手，對電視劇製作漸生興趣，在曾勵珍鼓勵下，他轉職成為助導，及至一九八八年，他離開香港到新加坡發展，並晉升成為監製，九三年返回無綫擔任監製，其作品包括《餐餐有宋家》、《真情》、《十月初五的月光》、《皆大歡喜》、《天天天晴》等均口碑甚佳，當中《真情》及《皆大歡喜》更締造處境劇收視佳績，成為城中熱話。

姐級組合擦出火花

由徐遇安炮製的劇集之中，《真情》最令他印象難忘，而劇中薛家燕與李司棋的「姐級組合」更擦出火花，他說：「《真情》原本喺黃金時段播映，但由於收視未如理想，曾經打算喺八十九集腰斬，最後公司安排放喺深夜十一點播，點知喺深夜播仲因禍得福，吸納一班深宵收工嘅觀眾，平均收視由十八點升到廿八點，對劇組係個好大鼓舞。」

徐遇安為無綫製作不少高收視劇集。

家燕和司棋兩位阿姐合演《真情》擦出火花。

提攜新人嶄露頭角

提到當年為何找息影多年的薛家燕回巢拍攝《真情》？徐遇安表示：「睇周刊見佢想復出做演藝工作，而好姨呢個角色一直未有適合人選，於是就搵佢拍。」《真情》令薛家燕東山再起，繼而推出的處境劇《皆大歡喜》，更令家燕將事業推上高峰。徐遇安亦喜歡用新人，當中古天樂、廖碧兒、鍾嘉欣均憑他的處境劇而嶄露頭角，他說：「當年搵古天樂拍《餐餐有宋家》，覺得佢係好有潛質，不過就脂粉味重啲，佢後來曬黑之後，即刻成為型男。」

此外，新一代小生花旦之中，徐遇安就睇好林峯及陳法拉，他表示：「覺得林峯兼備小生應有條件，例如靚仔、親切、演技，而花旦就欣賞法拉，覺得佢好有演藝天分，好多嘢一講就明。」

文：影視組