泳兒桃花緣一眼定終身

泳兒出道至今是非和緋聞不算多，她直言不太懂得用言語表達自己，又不擅「埋堆」，於是自封「宅女」，她說：「曾經想過自己啱唔啱喺娛樂圈發展，我不擅辭令，個人又慢熱，只會喺網上留言或者SMS，啲人會以為我好寸。」

唔想變世界女

有報道指泳兒和同公司的鍾舒漫（Sherman）不和，這已是她少有的負面報道，她無奈說：「平時冇乜負面新聞，突然爆出單咁嘅嘢，搞到唔開心，仲有少少氣餒，我同Sherman仍然好朋友。」問會否衝破「宅女」形象？她笑稱：「我從來默默耕耘，重量不重質，我知自己問題所在，會調整心態，但又唔想變世界女，慢慢嚟啦。」她的新歌《無緣罪》便流露出心聲。

泳兒唱跳俱佳，深受樂迷愛戴。

泳兒以一池死水來形容感情現狀。

處於一池死水

唱慘情歌起家的她被封為「悲歌小天后」，泳兒笑說：「可能我把聲天生慘慘地，所以人哋會有呢種感覺。（改變？）嚟緊會有快歌，努力同公司爭取。（小天后稱號呢？）唔會太在意稱號，都係一個名，會做多啲代表作。」談及感情，泳兒表示處於一池死水：「我有桃花，但未遇到自己鍾意嗰位，有男性約過我，但我冇去呀，我憑第一個感覺去決定係咪可以發展，唔想畀錯誤訊息其他人。（採取主動？）唔會啦，我好被動。」

採訪：German

攝影：馬永堅

化妝：Cyrus Lee@Beauty Tech

髮型：Nick Lam（Orient4.com.hk）

造型：Tang Lai

衫：sass & bide 褲：drex fable

場地：ENIGMA@新港中心