李思捷畀草彅剛考起
李思捷為日本電影《蠟筆小新玩盡滿城黃金甲》配音，聲演戲中草彅剛演出的一角。向來口才及搞笑了得的李思捷，今次亦為配音而傷腦筋，他說：「因為戲中佢把聲好沉實，同我平時搞笑嘅性質唔同，所以自己要調節。」雖然過往亦有配卡通動畫的經驗，但今次則與別不同，他說：「卡通動畫啲口形冇咁多變化，但人物始終唔同，加上對方是講日語，自己要花時間去捕捉佢個口形去配，都幾辛苦o架。」
雖然配音工作的時間比拍電影和劇集要短，但要長時間在密室配音，亦不是太自在，他說：「一日要配約十小時，把口要不停講嘢，真係搞到喉乾聲沙，好在自備開聲茶到場，再滋潤一下先捱得過去。」