李彩華上海拍劇驚出血

一向深得廣告商歡迎的李彩華，今年無緣在港掘「世盃金」，因她要到上海拍攝劇集《回家的誘惑》，李彩華表示：「要留喺上海四個月，第一次夏天喺上海拍戲，聽聞好熱，（酬勞係咪好好呀？）OK呀，不過因為會喺市區拍，擔心自己會成日shopping，會使多咗錢，曾經試過三篋行李去，最後六篋行李返香港，所以最好喺橫店開工，就算買嘢，都係去超市買日用品，唔會大出血。」
李彩華將逗留上海四個月開工。
李彩華將逗留上海四個月開工。

李彩華拍劇鮮有傳緋聞或與同劇演員不和，她表示：「真係好好彩，我覺得傳不和仲慘過緋聞，好彩兩樣都冇，我認為有機會合作開心最緊要，啱傾咪傾多幾句，傾唔到咪各有各工作。」

李彩華與韓星秋瓷炫（左）合作拍攝大陸劇。
  • 李彩華與韓星秋瓷炫（左）合作拍攝大陸劇。