吳剛借祥仔雯女過橋
林文龍、張文慈及薛家燕昨日出席位於尖沙咀The One的煌府婚宴專門店開幕儀式，採訪通告指黎耀祥及鄧萃雯亦會出席，但兩人均指沒有接獲邀請，股東之一吳剛對於被指「借人過橋」口窒窒解畫：「不嬲冇佢兩位，一個禮拜前已經知佢兩個好忙。（唔更正採訪通告？）邊個出通告？公關公司？呢方面係我哋做得唔夠。（借人過橋？）如果畀人咁嘅感覺真係唔好意思，有咩誤會，我say sorry。（搵佢哋拍廣告補數？）好提議！」
林文龍則陶醉做湊女公，他說：「我同個女換片，阿女爆一篤原子彈漿住我隻手，我同可盈都笑一餐，係咪再追要睇天意。」
以低胸示人的張文慈則說：「雖然我曾經皈依，但最近信咗基督，一生從未試過咁開心，工作都交託畀神。雖然我離開亞視，但內地登台、剪綵工作竟然係以前幾倍，係神嘅安排。」