DaDa不敵F級巨彈嘴藐藐
「百果園咪神」陳靜（DaDa）最近是非纏身，為解煩憂，日前相約好姊妹Bella和Bambi去尖沙咀狂掃性感衫裙，全程酥胸半露的DaDa見到師妹Bella試穿比堅尼，竟被其Ｆ級巨胸嚇窒，更即時藐爆扁晒嘴！
今年火速彈起的「百果園咪神」DaDa最近被指當街煲煙，加上處女寫真集被貿發局禁止在書展搞簽名會，雙重打擊下，即約埋幾位好姊妹行街散心。日前記者發現DaDa與同公司的「翻版賈曉晨」梁筠兒（Bambi）、「翻版汪圓圓」羅靖琋（Bella）及一名女友人在尖沙咀海港城shopping，她們的第一站仍然是泳衣專櫃，似乎是要為餘下的寫真大戰做好準備。
粒聲唔出冇心機
DaDa和Bambi在泳衣專櫃揀了很久仍未找到合適款式，反而今年未能與兩位師姐一起推出寫真集的Bella卻興致勃勃，專向顏色鮮艷的比堅尼埋首，未幾她走入更衣室，換上波點比堅尼Top及牛仔短裙，34F豐滿上圍頓成全場焦點，身旁的DaDa見到亦被嚇窒！未知是否勁敵當前，DaDa即時粒聲唔出兼且扁晒嘴，明顯冇晒心機！
但DaDa未有就此罷休，與幾位姊妹轉場看性感吊帶裙，她試了一條超低胸吊帶裙，大騷三吋事業線，Bella則試穿另一條低胸黑底粉紅吊帶裙，又再呈現「Big」爆效果。至於Bambi亦不輸蝕，試穿背心裙的她大騷D Cup本錢，現場可謂春色無邊！
志偉斥教壞細路
另外，曾志偉昨晚為紅館騷做司儀，對於o靚模Debby玩「撕暴」宣傳寫真，志偉力斥：「真係好另類，直頭教壞細路，個個為宣傳自己咪剝衫周圍走，書展唔畀佢哋去係啱嘅，唔知佢哋會出乜怪招。」
文：專案組