祖兒獲加戲份唔講錢吐飯應

容祖兒、林峯、蔡卓妍（阿Sa）及王祖藍等昨晚出席《翡翠明珠星Fight夜》，為英皇電影、邵氏電影及無綫合作拍攝的電影《翡翠明珠》作宣傳。

林峯想再加場

容祖兒以戲中造型亮相，她表示拍攝時很希望戴假髮演出，祖兒說：「個髮型要set兩個幾鐘，試過凌晨四點開始set頭。」談到在電影中的演出，祖兒自爆獲加戲份，問到是否仍收客串價？她笑言：「我喺電影巿場冇乜價架，有人搵就執到喇。」

林峯舉行演唱會的日子將近，他透露有意再加開一場：「28日加嗰場都就爆，尋晚（即前晚）樂小姐生日吳雨大哥都喺度，佢哋都話想加開多場，不過依家紅館個期有啲問題，唔知塞去邊好！」

林峯又透露會於演唱會中玩火，起初演唱會的導演更表示低溫火的效果不好，要求使用石油氣的真火，嚇得林峯即耍手擰頭：「係嘅話可能要做一場瞓幾日醫院。（買保險？）公司有幫我買，自己都買重7位數字！」

阿Sa沒精打采

另外，阿Sa未知是否仍在公公過身的傷痛之中，在活動中她沒精打采，有指鄭中基曾以短訊慰問她？阿Sa謂：「好多人都有慰問。（鄭中基同你講乜？）大家都話take care！」

文：影視組