黎明連環金句撐JW
獲黎明力捧女新人JW可謂「先聲奪人」，將於七月廿四日在九展舉行處女「JW掛念好友音樂會」，千五張門票在三日內火速超額爆滿，為答謝支持的樂迷，決定同日加開第二場音樂會。從未曝光的JW氣勢如虹，難怪力捧她的黎明都說：「都有啲估唔到，都要佢快啲返嚟錄音同練歌。」
世界盃捧香港
有傳JW聲線與衞蘭相似，黎明即連珠炮發大講金句：「咁貢米（內地翻版栢芝）似唔似栢芝呀？你會唔會因一個女人把聲似你老婆，同佢傾多幾句偈？聽歌嘅人就聽歌，習慣做審死官嘅就做審死官，網上批評嘅人繼續去批評，習慣去用耳仔分析嘅就用耳仔，大家用唔同角度去睇。正如今日你哋問到咁專業問題，我係咪好專業去答？你哋冇得挑剔。」
形容自己忙到無時間睇波的黎明表示以工作為重，問到世盃捧邊隊？黎明想了想說：「我捧香港！大家要有信念，遲早廿年實得，唔好覺得香港唔得。」
有報道指樂基兒冇仔生鬧婚變，黎明說：「我有樣嘢要澄清，喺娛樂圈咁耐，觀眾未必想睇我幾時生BB，未必想知我生BB過程，係啲編輯堅持呢個方式想去問！電影圈已經好悶，仲咁悶去問呢啲，大家要update搵新話題。」黎明自稱不是炒作藝人，不理會任何花邊新聞。
文：音樂組