「爆E超蓮」濕身碌lane父母吃驚

擁35E巨胸的Iris，將與其他四位o靚模「翻版徐子淇」Debby（曾麗儀）、Cat（陳雅絲）、Kinki（林玲）、Norain（陳麗玲），推出日本潮捧妄攝寫真《Inside》，如今書展封殺o靚模簽名會，身為隊長的Iris直言冇有怕，更預告提早出戰，下月17日於旺角西洋菜街舉行簽名會。

密實姑娘假正經

而Iris的爆乳短片更率先公開，大玩「密實姑娘假正經」，在保齡球館原本以運動衣上陣，轉眼間變身泳衣Look，極為出位。

樣子甜美的Iris兩年前由英國留學回港，就讀時裝設計的她卻突然做o靚模，直言父母吃驚之餘更大力反對，擔心她入錯行：「但我對娛樂圈好有興趣，加上可能我喺外國長大，都接受到呢種性感程度。（畀人話寫真似鹹書？）見仁見智啦，我就唔覺，本書係以妄攝做概念，喺日本好流行，而且鹹書係全裸，我哋呢本一定冇。」

「外國MV咪仲激」

為了推出寫真集，五模在漫畫店、餐廳、野戰場地和辦公室等取景，當中Iris飲湯時弄濕心口，橋段跟去年周秀娜（Chrissie）刷牙Look相當近似，Iris說：「上年Chrissie嗰本書影得好靚，好sexy，但唔覺好激，外國啲電視節目、MV咪仲激！好多歌手都超sexy，所以都唔知佢哋諗乜。」此外，「浸大E神」楊梓瑤亦變陣反擊，表示書展舉行首天會在灣仔舉行簽名會，更有意踩入書展搶fans。

文：專案組