林峯買豪宅先抓着數

林峯和王祖藍昨日出席銀行按揭活動，之前被指買「豪宅」的林峯直認前來「搵着數」，他又謙稱謂：「我只不過做咗十幾年買層樓，即係人哋十幾年換架車，梗係想換架靚啲，都係呢幾年先搵多啲。」記者笑指林峯一筆過付錢都可以，祖藍即搭嘴謂：「你點知佢有幾多幢？可能山腳、山腰都有，（你恨唔恨？）恨！但凡林峯有嘅嘢，好似電影、女人同樓我都想有，不過人哋喺紅館賣緊480蚊飛，我喺伊館賣緊350蚊；人哋住半山，我只住居屋；我都要買樓，林峯買半山，我要買流浮山。」問他是否買樓乘機結婚？祖藍說：「唔會住，（加埋女友個名？）咁對唔住阿媽。」