官恩娜救毒友堅持九個月
官恩娜（Ella）及羽翹（Ava）昨日出席校園活動宣揚禁毒訊息，Ella望以藝人影響力將訊息滲入學界，她說：「自己唔鍾意人食煙，男朋友一定唔可以啦，成日畀啲煙民邊行邊食噴到一面都係，更加唔好講吸毒，覺得呢個係不負責任嘅行為。」Ella又透露曾有一名朋友長期濫藥，協助他戒毒九個月後還是放棄，她說：「最後都係決定疏遠佢，嗰陣有陪佢傾偈，佢又唔肯睇醫生，都令佢食少咗煙嘅。」
此外，Ava就憶述「驚嚇洗頭」經歷，她說：「嗰陣啱啱入行去髮型屋洗頭，洗洗吓個女仔滴咗啲鼻血喺我額頭，原來因為佢濫藥聲都沙晒，唔知用個鼻索啲乜，所以咁樣，當時都幾驚！」Ava又言曾聽聞圈內有人濫藥，但未曾被誘，她說：「屋企都管得嚴，自己身體已經唔好，如果濫藥同吸煙應該會好短命。」
