又南代父還巨債月使千元
前Shine成員黃又南遭爆料指頻頻向藝人、電視台及電影幕後人員「度水」，數目由幾千至幾百不等，而他缺錢原因之一竟是沉迷賭波！不忿被「屈」的又南發毒誓否認沉迷賭博，提及父親要做苦工還債更淚流滿面。
由歌手轉戰電影的又南，近年雖只當副線角色，但總算工作及機會不斷，可是近日有傳又南「好唔掂」，爆料人稱他財困是因嗜賭波。又南經理人不滿旗下藝人遭惡意抹黑，昨日特約本報澄清，大呼遭誣衊的又南舉起三隻手指發毒誓說：「如果我借錢賭波，天打雷劈，可以去賽馬會check吓我個戶口！」又南稱根本不看世界盃，何來賭波？他稱最重要是：「我根本輸唔起。」
不怪爆料人
又南坦言由03至09年尾，舉家的七成收入全用作幫生意失敗的父親還四、五百萬元巨債，七除八扣下，他每月只得千多元生活費，有時慘到要問朋友：「可唔可以請我食碗即食麵頂肚？」他亦勇敢承認曾問人借錢：「係問過六、七個好熟嘅藝人朋友借過錢，當中只有陳曉東同樊少皇肯借畀我，借咗唔夠一萬，佢哋仲問我有乜要幫手，但我冇問過幕後人或唔熟嘅人借錢。」他感激兩人雪中送炭，不過他也沒怪責不肯借錢的朋友及事件爆料人，他說：「人哋唔借有佢道理，講出嚟都冇問題，因為我真係借過錢，把口喺人哋度。（還晒錢未？）仲未，不過有分期畀緊。」
讚爸爸堅強
又南在幾經努力下，已清還多間銀行及財務公司的數百萬貸款達98%，現需開始償還親友的欠款。問又南被爆借錢後，可敢再借？他說：「依家經濟好好多，唔使借。」談及他年過半百的父親，要由印刷廠老闆轉行做路政署的斬樹工人時，又南心痛得淚流滿面，但他大讚：「爸爸好堅強，佢辛苦都表現得好豁達。」他亦說沒有怪過父親耗盡他逾百萬的儲蓄兼孭到一身債，總之他會拚命工作，將所有錢還清，可謂父慈子孝！
採訪：音樂組