Baby清高寫真送審博同情

剛從日本返港的Baby，昨日到寫真集服裝贊助商b+ab尖沙咀店，出席《Paradise》寫真集宣傳活動。Baby穿上跌膊tee加短褲配假紋身的潮爆造型現身，吸引半百fans圍觀。

港日舉辦相展

Baby的寫真集將在香港、內地、台灣及日本發售，更於日本及香港搞相展，下月廿四日亦會在海港城搞簽名會，並籌備到台灣及內地搞簽名會。經理人Kim稱：「舊年印三萬本，今年一定超過。」

Baby於寫真集內大賣青春氣息，絕不賣弄色情。	放大圖片	親民的Baby應fans要求合照。

對於列入o靚模一族而被禁書展搞活動，Baby說：「覺得好無奈，評審根本冇睇我本寫真，我會簽埋名送本畀佢哋睇，等佢哋知道我本書唔係低俗。都會喺日本搞相展，唔明點解話我本寫真不雅。」連七月份只有一天檔期宣傳寫真集的Baby表示：「其實都有好多商場搵我，咁啱同海港城個期夾到，所以喺嗰度搞。」

問到會否送寫真給黃曉明？Baby即甜笑謂：「希望佢自己買。」她又自爆稍後到內地工作，問到會否探在內地拍戲的黃曉明，她笑說自己工作時有記者在場可以做證，力言不會去探班。但追問兩人會否見面時，Baby嬌嗲道：「冇，唔講嘞！唔知呀！（曉明叫你拍寫真唔好性感？）冇呀，唔好再講佢啦。」

想同曉明拍戲

有傳黃曉明自組公司叫Baby過檔，Baby斷然否認，更指經理人Kim似媽咪，不會離開她。她又稱如有好劇本，也想與黃曉明拍戲。另有傳黃曉明替Baby搭路拍戲，介紹陳凱歌和葛優給她認識，Baby不置可否說：「係識咗，總之下半年冇呢件事發生。」

文：名人組