鄧穎芝開頭懶醒最後棄權

今期Gag神又再出招考大家!勇於接受挑戰的三位「八十後」是歌星鄧穎芝、張致恒(Steven)及李逸朗(Don),雖然三位年齡相若,但IQ各有不同。

問題:肥人生病,最怕別人探病說甚麼?

自稱經常與友人估IQ題、搞爛gag的鄧穎芝,今次竟被題目考起!她說:「呢條題目我好似聽過,但一時又醒唔起。唔好亂食藥減肥?定係死肥妹?」她想了很久亦毫無頭緒,雖向身邊人套取答案,但其他人亦愛莫能助。最後她選擇放棄,成為今次唯一輸家。

Steven甫聽見有得估爛gag題即表現興奮,他認真想了十數秒後便說出答案:「係咪保重身體呀?」當得悉答中題目,Steven一臉得戚地說:「我讀書成日同啲同學估IQ題,仲有個朵叫『Q神』,唔好當我浪得虛名!」

Don初時顯得不太自信回答,但經過他機靈頭腦一轉,最終仍是答中。Don說:「好好保重身體!」不過Don對於自己順利答中題目卻不太相信,還反問:「真係答中咗?我次次玩呢啲都估唔到,今次算係開齋。」

答案:保「重」身體