吳彥祖晚晚拔槍老婆嫌煩
半唐番的吳彥祖（Daniel），昨日於公開活動被古天樂及杜汶澤一同夾攻，向他大講有味笑話，阿澤更抵死揶揄拿着金手槍的Daniel「金槍不倒」，Daniel說因為晚晚在家中練拔槍，連老婆Lisa S.也嫌他煩。
Daniel、古仔、阿澤及林雪昨日齊為英皇電影《鎗王之王》宣傳，吸引大批fans撐場的古仔，於玩遊戲時手握女fans玉手開槍，引來fans們尖叫聲不斷，Daniel則透露片中不乏開槍戲份，拍攝前每日於家中練「拔槍」，他說：「返屋企又拔，臨瞓前又拔，搞到老婆都嫌我煩。」在旁的古仔聞言即鬼馬說：「嘩！你拔咩出嚟吖？」不過似乎思想洋化的Daniel不明所指，只不斷陪笑。
拍檔夾攻大玩不文
見古仔玩得過癮，阿澤亦加入戰團大玩不文，眼見古仔及Daniel分別獲英皇鐘錶珠寶董事總經理楊諾思送贈特製金槍，阿澤即攝位向Daniel笑說：「你啱啱結婚就送金槍，即係寓意你金槍不倒吖，係咪好開心先？」Daniel聞言也笑住點頭。
對於被兩位拍檔玩弄，Daniel笑言不介意，更表示明白當中所指：「阿澤好鍾意玩我，其實我明嘅（你成日拔槍，太太Lisa S.係咪嫌你煩？）Lisa以為我癲咗，因為睇睇下電視我就拔槍，每日百幾次，連屋企隻老虎狗依家見到槍狀物體都會嘈。」
古仔支槍擺到生銹
古仔被取笑其「金槍」是否「擺到生銹」？古仔尷尬地說：「咪擺下囉！多謝大家送支金槍畀我，唔係我未必有，我會好好珍藏（咁你擺到幾時？）唔知架！」
此外，古仔、吳彥祖及方中信等昨晚出席《鎗》片的盛大首映禮，但女主角蔡卓妍（阿Sa）則因病缺席，其經理人說：「今朝阿Sa去咗澳門幫過身嘅公公誦經，下晝又去咗廣州做宣傳，夜晚終於體力透支頂唔順！」
文：影視組