周秀娜轟書展禁令虛偽
周秀娜昨日到奧海城出席「BReast Concern Action關‧乳‧愛」活動，並在護士的指導下為假人作乳房檢查，周秀娜表示有定期為自己檢查，不過原來之前的方法是錯的。
問到今年被禁止在書展搞簽名會一事上可有上訴？周秀娜說：「冇，冇咩感覺。我本寫真仲排緊版，宣傳都未諗，多謝佢哋幫我宣傳同支持。（覺唔覺受歧視？）我唔會對號入座，我唔可以代表所有人。出版商都想我哋宣傳，有商場搵，但自己情有獨鍾會展。（到時會唔會去巡下？）其實冇諗過同冇需要搞到件事咁大，我覺得佢哋（指主辦單位）小題大做，純粹覺得佢哋虛偽。好似今日呢個活動，娛樂版寫我自己檢查乳房，幾有娛樂性，健康版都會覺得我係正確嘅，但文化版就會『咦』咁樣，虛偽囉。」