胡杏兒提醒師妹慎言行

胡杏兒及陳倩揚昨日現身打鼓嶺,為鄉事委員會大樓主持開幕儀式,杏兒表示兩星期後將開拍清裝宮廷劇,問到是否需要谷胸上陣?她說:「唔使啦!仲包到上頸,我驚熱親添呀!當減肥囉!」提到今屆多名港姐被揭是蒲精,杏兒遲疑幾秒後說:「我未見過佢哋,不過有時後生女去玩去飲嘢,唔等於係壞,每個人都有過去,我讀書時都有去Disco,不過入行後就冇啦!」她又提醒師妹參選後要注意言行,為港姐身份負責。

至於08年港姐亞軍陳倩揚則認為,夜蒲可能是時下年輕人的玩意,並說:「我唔係好了解,同佢哋隔咗個Generation(年代)!」身旁的杏兒即說:「唔代表我呀!」擺明不認老,場面搞笑。