江若琳熱舞網誘7千人
江若琳（Elanne）昨日到電台宣傳新歌《BaBaYa》，由於稍後要忙於拍劇及拍戲，所以專程為新歌拍了一段特別版放上網宣傳，她表示：「我着晒闊身衫褲勁歌熱舞，條片放上網短短幾日已經有七千幾人瀏覽喇，成績好好！」問她為何不性感上陣？她笑言：「留番畀啲o靚模，無謂同人比較啦！」
Elanne自爆前日早上本應開工拍劇，卻撞正落大雨而喜獲一天假期，她表示：「我匿咗喺屋企喪瞓，足足瞓咗十幾個鐘頭，瞓到夜晚先出去食飯！」忙得不可開交的Elanne下月尾便啟程往泰國夥劉青雲拍攝電影，問她擔不擔心當地政局動盪？Elanne說：「唔怕，Square已經喺嗰邊拍緊，佢哋都有四出食嘢購物！」