Mia狠撇錢景峰拒翻撻

早前Mia與錢景峰於Facebook內宣告分手，由於有傳分手因郭秀雲畀兒子壓力，要Mia知難而退，故她決定披露分手原因。在訪問期間，她強調大家是和平分開：「正式分手係報道前兩、三日，主要原因係遠距離戀愛好難維繫，依家工作已感到有壓力，想身邊有個人倚靠，加上我工作需要着比堅尼，但佢唔鍾意，我唔開心係佢點解唔明白我，而且大家慢慢發現愛情觀原來好唔同，佢需要我咩都同佢講，但我就需要空間，所以繼續一齊都會好辛苦。」

冇同郭秀雲交惡

雖然Mia承認對方曾要求復合，但她仍堅決拒絕：「做朋友可以一世，而且我真係好唔鍾意畀人覺得我搵佢宣傳。」對於有傳郭秀雲唔妥Mia而導致火速分手，Mia即再三澄清與她關係良好：「可能我以前唔鍾意講佢同佢屋企人，所以令人誤會，但其實我哋一直有SMS聯絡，而且當錢景峰唔喺香港，我都有同佢媽咪食飯有講有笑。」

Mia因了解而同錢景峰分手。 （資料圖片）	Mia專心工作不願再受情困。	明白勉強冇幸福，Mia寧願獨身照顧孩子。

乘虛而入多人追

Mia笑言因分手受廣泛報道，以前認識的異性朋友相繼來電問候，有的更要求約會，但她都一一拒絕，表示現在只想專注工作同湊小朋友。

文：專案組 　攝：沈健程 　場地：Sweet Hut Cafe