劉嘉玲離奇捲入黃黑案
不時擔任內地產品代言的劉嘉玲，早前曾為一內地樓盤任代言人，而該樓盤大股東近日牽涉入一宗涉黃涉黑案，有傳嘉玲亦牽連在內，有指她擔任代言人期間，不但穩袋超過百萬人民幣的酬勞，更獲贈豪宅，而當年嘉玲榮升內地影后之作《好奇害死貓》，亦曾在該處取景。
求證嘉玲經理人公司澤東，發言人梁小姐謂：「合約06年已經滿咗，嘉玲唔再係該樓盤代言人，人哋嘅嘢我哋唔方便評論。（獲贈豪宅？）坦白講，擔任代言人除咗酬金外，有時合約都寫明會有product攞番，總之嘉玲喺合約期內完成晒佢嘅工作，亦攞到佢應有嘅報酬，其他嘅嘢就唔評論嘞。」
而明天四十八歲「牛一」的梁朝偉，將會偕同愛妻劉嘉玲過二人世界。嘉玲日前則被發現現身置地廣場Miu Miu揀選新裝，不消一會已大有斬獲。