Kelly睇中醫追個蝦餃妹
陳慧琳（Kelly）的愛兒蝦餃仔快將一歲生日，她亦已為生第二個作準備，坦言恨生女的她已看中醫調理身體，更減少出埠來遷就「造人時間」，生B計劃進行得如火如荼。
【吳天慧台北直擊】陳慧琳前晚在台北出席國際品牌Loewe Leather Icons Launch Party，Kelly穿上該品牌秋冬新裝到場 ，一身黑色皮褸皮褲襯高踭鞋打扮的Kelly充滿型格，盡顯潮媽本色。但相對同場低胸性感上陣的林嘉綺，Kelly坦言自己是小兒科，她說：「我着嘅白色Tee冇嘢睇。」可是兩人當晚卻緣慳一面，未有機會碰頭交流潮流心得。
買蝦餃仔口水肩
Kelly的寶貝仔劉昇（蝦餃仔）快將一歲生日，問到如何為蝦餃仔慶祝，她說：「因為蝦餃仔未懂性，開生日會都只係大人玩，所以淨係會一家人食飯。我已經喺網上訂咗寫有蝦餃仔個名嘅口水肩畀佢，佢成日流口水。」
Kelly坦言想再做媽咪，且已開始為生B做好準備，她說：「我已經睇咗中醫調理身體，中醫叫我煲多啲海馬同海龍湯飲，我亦有遷就造人時間而減少出埠太耐，多啲留喺屋企，生B計劃籌備當中，不過冇都冇辦法。如果生BB生兩個仔都冇所謂，但真心嗰句，我想生女。」
金曲獎支持方大同
台灣金曲獎快將舉行，問到看好哪位女歌手？Kelly說：「我睇好張惠妹，我自己好似冇入圍。（男歌手呢？）個個都好似好犀利，不過方大同未攞過，所以覺得係方大同，我支持佢。」
有此一著
Kelly穿着羊仔皮Biker Jacket和高腰長褲，配上一對Lace-up長靴，以素淨的白色小背心襯托，黑白女騎士造型盡顯英姿颯颯。
Loewe Biker Jacket $29,900
手袋 $16,800
皮靴 $14,800