Carol典床典蓆大解扣
o靚模日日有新是非！被嘲寫真似鹹書的「浸大E神」Carol無懼被轟，更加碼炮製絕密床上短片，做出解bra帶及拉低內褲等極度誘惑動作，更暗寸DaDa借其名博宣傳！
Carol（楊梓瑤）因在寫真集《Huge》含冰和食意粉，遭「百果園咪神」DaDa（陳靜）狂插似鹹書，直指Carol連累其他o靚模禁足書展。繼日前Carol反擊DaDa扮純情，昨日又暗寸對方說：「其實我唔想拉埋佢一齊講，佢咁留意我，我都只會當佢係一個有意見嘅書迷。如果到時佢再有質疑，我唔介意送本書畀佢睇清楚。」
成為眾矢之的的Carol坦言未有影響心情，反而加料炮製超激短片，其精華片段首度曝光。穿上性感內衣褲的她在床上擺出不同甫士，鏡頭極度挑逗。在短短一分鐘的片段，Carol躺在床上面紅紅，做出解bra帶及拉低內褲等動作，施展終極床上誘惑。
參考妮歌潔曼
曾公開自稱睇日本鹹書學擺甫士的Carol，今次短片靈感來自荷里活影星妮歌潔曼。早年妮歌曾與Robbie Williams拍《Something Stupid》MV，其中一場床戲確實有八成相似。Carol說：「唔好成日話我睇AV，我都有睇MV，妮歌潔曼係我心目中嘅性感女神。」
據知，該段超激短片原本打算在書展簽名會首日送給一百名粉絲，雖然書展勒令取消所有o靚模活動，但Carol經理人指會移師另一場地派碟：「依家安排緊喺第二度搞簽名會，會尊重大會決定。」
DaDa對於Carol暗寸博宣傳不願多作回應：「唔想回應啲乜，我唔係針對佢本書，只係睇過佢嗰張相（玩冰相），如果有機會，我都想同佢交換寫真。」
另外，o靚模被禁在書展舉行簽名會，不過羽翹就冇有怕，昨日她在微博表示自己推出的是美容書，簽名會不受影響，照原定計劃舉行。
文：專案組