陳志雲在圈中人緣甚佳，亦幫助過不少失意藝人再覓路向，也在難過時獲不少藝人力撐，以下的藝人都曾是志雲大師的「患難之交」，當然力撐好友。
身在內地忙於拍劇的鍾欣桐（阿嬌），得知陳志雲即將復工為電台開咪主持節目，阿嬌說：「恭喜佢，都戥佢開心，希望新工作順順利利。」
阿嬌當日復工，也將第一個訪問安排給志雲大師進行，如果陳志雲邀她到電台訪問，阿嬌表示只要有機會也會欣然答應，她說：「有機會梗係希望做，但我要喺內地拍劇逗留至十月先返港。」
曾大讚陳志雲是難得與下屬接近的陳敏之，昨日回應說：「我當然撐陳生啦！雖然我自己都未搞掂（指鎖骨受傷）最近冇打電話畀佢，但我都好開心聽到佢復工，無論陳生喺電台開咪，定喺無綫復職，我都覺得冇所謂，做嘢地方唔重要，最緊要佢開心，有好嘅工作！」
謝安琪昨日則透過經理人夏森美表示：「最近得知Stephen（陳志雲）有新發展，也戥佢高興，祝佢發展得好，（會上佢節目受訪？）最緊要節目風格、內容係啱同適合我話題，我會參與。」