阿嬌騎呢貓步點笑穴
鍾欣桐（阿嬌）、方力申（小方）主演英皇電影《出水芙蓉》，戲中阿嬌施展渾身解數搞笑，其中一場戲講述阿嬌與三位好姊妹茜利妹、朱薰及黃聖依在沙灘上行catwalk，並擺出「騎呢」姿勢，幾位主角都對大家的土氣造型互相取笑，致令拍攝時不斷ＮＧ，阿嬌笑指自己從未以如此「騎呢」的一面示人︰「大家都好似畀人點咗笑穴咁，所以不斷ＮＧ，可能係拍喜劇嘅關係，大家都被快樂嘅氣氛感染，就連劉鎮偉導演都一樣，沒有責怪我哋。」
網住沙灘拖行
阿嬌落力搞笑，小方就不錫身，繼之前被淋上白油至皮膚敏感後，還有一場戲是被一個大網困着，然後再拖行二十米，而每當小方一次又一次地拍攝被網拉回沙灘時，網中都會有着不同的海鮮被拉上來，他表示：「起初是兩條魚，怎料有一次是一隻小蟹，幸好牠的鉗不大，若果被夾到，真係生不如死！」
文：影視組