(8)彭慧中攬仔自辯︰出嚟玩係咁
《2010香港小姐競選》十五位候選佳麗完成印度外景後，昨日早上返港，由於舟車勞頓加上睡眠不足，佳麗清一色戴上太陽眼鏡遮掩倦容。經過多天的辛勞，佳麗可自行返家休息，其中(5)莊思明及(13)陳庭欣的家人急不及待到機場接機。
冇影過慾照
在開選以來，港姐佳麗不斷被爆料，今年的佳麗似乎有鋪「攬仔癮」，繼(4)文凱玲及(6)林寶珍後，(8)彭慧中及(10)馬鈞怡相繼被人刊登了「攬仔相」，二人甫出閘即被追問。彭慧中對於自己在英國讀書時與外籍男士親吻的照片被刊登，輕鬆地說：「出嚟玩對待男、女朋友都係咁，係正常社交生活，（有冇影過情慾照？）冇，之前拍過拖，只有正常拍拖生活照。」不過她承認在外國讀書習慣與人擁抱，對普通香港人來說可能比較奇怪，她還笑言「攬仔」的定義各有不同：「我搭爹哋膊頭算不算？」她坦言初時對新聞感不開心，因覺是私事與其他人無關，但明白到參選港姐已成公眾人物，故會避忌一下。
性格男仔頭
而馬鈞怡被問到是否性格開放時，只謂自己性格好動及男仔頭，及後她看過攬仔及錫面照片，面露尷尬神色，承認其中一個是前男友：「個男友拍拖兩年，不過已經分咗手四年幾，其他嘅係朋友，只要係好朋友，錫面都冇所謂，不過我唔想畀人誤會，而且選港姐要有承擔，所以以後會檢點啲，（有冇更激嘅相？）冇喇！」
文：影視組