宋芝齡悲觀愛情論
近日候選港姐成為城中熱話，中韓混血兒宋芝齡（Angel）亦憑參選港姐進軍娛樂圈，更因說得一口流利韓文而獲邀訪問多位韓星，近日她食住「韓流」，提供到韓國影婚紗照的服務，她亦親身披嫁衣拍攝婚紗照作招徠，遺憾的是新郎之位仍然懸空……
年多前，Angel有位來自比利時的男友，可惜最後都因為文化差異而分開：「佢叫我陪佢返比利時，但我喺香港長大，好難叫我一下子放低晒所有嘢陪佢走！」
Angel覺得「鍾意」只能維持一陣子，熱情減退後便要面對現實，自此她便一直單身，更慨嘆因為跟朋友夜蒲而被誤會愛「溝仔」：「有時我會同啲朋友落蘭桂坊飲嘢，咁去得嗰度梗係會着得靚啲㗎啦，畀人影到又話我去識男仔！」
揀韓男要三思
戀愛無國界，但Angel坦言識韓籍男友前會三思，因韓國人的家庭觀念相當重：「好多韓國人結咗婚之後都係同父母一齊住，同埋新抱每朝五點幾就要起身煮嘢畀老爺奶奶食。我始終喺香港長大，鍾意自由啲嘅生活。」剛踏入三十歲不久，媽媽已開始催婚，因她身邊同齡或年紀比她小的親戚朋友都已結婚了：「我覺得我一踏入三十歲，思想就改變咗好多，依家我嘅目標係三十五歲可以結到婚。」