盛傳張栢芝與大仔Lucas，將於明年夥拍梁朝偉拍攝爾冬陞（小寶）新片。助手表哥昨日上載了她與老公謝霆鋒食飯的照片，只見栢芝翹實霆鋒，笑容一致，對於與偉仔合作傳聞，似乎好少理。
小寶昨日接受訪問時，被問到栢芝是否復出拍戲，他說：「其實好多嘢仲未定，都仲未簽約，冇話刻意要栢芝拍偉仔！」談到是否邀請Lucas演出？他說：「佢好貴片酬，又要經霆鋒、栢芝、拉姑、四哥同意，Lucas連星爺都唔畀面啦，我咪自取其辱，等我同Lucas熟啲先啦！」