官恩娜揸車拒載男友
官恩娜（Ella）昨日與陳倩揚現身宣傳最新環保車，Ella更與廠方合作，試車附送新歌，她說：「自己都想換車，不過技術唔係太好，細車方便睇位，之前去美國揸左軚車，朋友坐喺隔籬勁驚，因為我唔慣又唔熟路！」問到Ella享受與男友在車廂中二人世界？她說：「唔敢同車，怕畀人影到亂寫，出街都係分兩架車，（分『車』？）未同居先分車！」
此外，有報道指Ella前緋聞男友吳卓羲對馬賽管接管送爆新戀情，Ella表示因剛由美國回港沒留意新聞：「最緊要大家開心，（管接管送係冧女好招數？）對我唔得，我唔畀任何雄性動物上我車，就算阿哥五官端正都唔得，怕畀人話我有新男友，試過之前拍嘢有個男工作人員住我附近想我兜埋佢，我都拒絕咗。」