爆乳「超蓮」胸大累事
近期以妄攝寫真上位的「爆乳超蓮」鍾永慧（Iris）和「翻版李嘉欣」Cat，前者因胸大失重心，拍廣告仆傷額頭；後者則捲入整容疑雲，被網友爆料隆胸整鼻，掀起新一輪是非。
憑E Cup身材上位的「爆乳超蓮」Iris，今年與四名o靚模齊推日本潮捧的妄攝寫真《Inside》，惹起不少話題。前日Iris穿上三點式晒巨咪，美好身材表露無遺，可惜額頭的「橫間紋」清晰可見。原來她日前拍廣告跑上扶手電梯時，不慎仆倒頭撼電梯，幸「天然胸」未有受傷。
行路唔敢快
以遮暇膏掩傷勢的Iris，直言從小到大都很論盡，身上傷痕纍纍。問到是否胸部太大而失重心？她說：「我都唔知係咪前面太重搞成咁！其實我都覺得咁大唔方便，但冇辦法啦。會盡量小心啲，行路唔好太急。」身材驕人的她揚言不擔心被指「造假」，她說：「我身材咁好，除咗係媽咪遺傳外，我細個喺外國讀書，食好多高熱量嘅嘢。其實我其他部位都好肥，依家都要減。」
擁葡國血統
至於「翻版李嘉欣」Cat亦憑火辣身材成為新一代宅男女神，不過人紅是非多，昨日有網友指她疑似整容。翻看○八年Cat出席動漫節活動照，其樣子跟現在確有不同，除了鼻扁之外，胸部亦比較細。她接受電話訪問否認整容：「係化妝問題，影相角度有影響。（話你隆胸同整鼻喎！）當時我得十六歲，未完全發育，清者自清。（個鼻直呢？）我有四分一葡國血統，所以比一般女仔高啲。（唔開心？）唔會，呢個世界有好大嘅言論自由，由得佢哋點講。」