阿叻建議葉童請司機

剛從外地回港的阿叻，不知道葉童與黃泆潼昨晨被判刑一事，但之前從報章得悉衞志豪被法官大鬧十多分鐘，阿叻說：「飲酒揸車真係好唔啱，抵鬧吖！」

阿叻說一早呼籲所有老友，飲酒後不要駕車：「法例已經實行，就唔應該去博，好多人都覺得自己飲咗酒好清醒揸車冇問題，如果一個唔覺意再被人拉多次要坐監，就真係大吉利是，所以我覺得陳國熹應該請個司機畀葉童，我依家都飲緊酒，但我冇揸車，因為我有司機，就算冇司機咪搭的士囉！」

至於逢飲必醉的曾志偉則說：「睇波開心時刻飲酒在所難免，但千祈唔好醉駕，可以搵個唔飲酒嘅人負責監場，控制住局面，或者幾個人搭的士都ＯＫ吖。」