古天樂設計鞋款被狂讚
【吳靜嫻米蘭直擊】古天樂忙裏偷閒抽空三日到米蘭出席Bally活動，一向對鞋情有獨鍾的他，此行收穫不少，他設計的鞋樣被品牌設計師大讚，該鞋樣還有機會在中國推出特別版。
古天樂於米蘭時間21日應瑞士品牌Bally邀請，出席其男裝春夏2011時裝發布會。古天樂表示之前一日才落機，在晚上即出席品牌的私人晚宴。
席間在場的人士都繪畫個人最喜歡的鞋樣，古天樂說：「我對買衫已有啲怕怕哋，但對鞋就有好大興趣，所以晚宴上，我本來畫女裝鞋，但畫咗之後覺唔係好滿意，所以都係畫番男裝，畫咗一對自己好想擁有嘅鞋，設計師見到都好鍾意，仲話『可以考慮出款特別版畀中國巿場』，我聽到之後好開心，覺好榮幸，好多謝佢咁睇得起，我都好想學造鞋。」
睇中六位數手袋
另外，古天樂在展覽會參觀時，睇中了一個超過六位數字嘅鱷魚皮手袋，但由於是2011年的產品，要明年先有貨，古天樂拿着手袋愛不釋手，笑言：「我等唔切，想依家即時擁有個袋。」
爆爹哋有大肚腩
而古天樂難得有幾日假，之前表示想與父母同行到意大利，被問到父母今次有否同行？他說：「無，今次都係留三日，唔想佢哋咁頻撲，不過嚟緊呢一年都無假放，依家計劃下年6月放大假同父母去旅行。」一向孝順的古天樂，透露工作完要即時買手袋送給媽咪，他說：「佢喺香港睇中個袋，但無貨，我過嚟幫佢搵。（父親節送乜畀爹哋？）之前送咗，我送乜畀佢都唔會用，除咗送食嘅嘢，如果唔係佢點會有四十吋大肚腩。」