郭秀雲急爆內幕甩身 唔認拆散鴛鴦
郭秀雲（Sharon）昨日出席「日迦美容」20周年慶祝酒會，對於前夫錢小豪指她日前稱錢老太不喜歡Mia的言論「亂噏」，又傳她拆散鴛鴦，她一一澄清。Sharon並不認為前夫對她惡言相向，她說：「亂噏係口語化，佢向來都係咁講嘢，佢唔知我同錢老太之前通過電話，我同錢老太關係一直好好。只係小朋友拍拖，點解要拖咁多人落水？」
至於拆散鴛鴦一事，Sharon只覺莫名其妙，並反駁：「依家係個女仔提出分手，之前囝囝叫我陪下Mia，我哋有一齊食飯，我仲幫佢安排工作同唱歌老師，如果我唔鍾意佢，就唔會花時間做咁多嘢。」她稱近日有關自己的負面報道，反過來令囝囝擔心，她希望大家手下留情：「感情係私人事，點解要攞出嚟講，影響到個仔唔開心。我覺得如果將感情放喺公開地方，就會貶值咗關係。」似乎她對Mia在網上公開分手一事而大感不滿。
昨日Mia出席活動時也幫口說：「大半個月之前，我有同Auntie一齊學唱歌，佢好nice，就算我同Andrew分開後，我哋都keep住有SMS聯絡，我之前入醫院檢查佢亦有問候我。」