Lisa S. 爆吳彥祖婚宴懶布置
名模Lisa S.與吳彥祖（Daniel）早前於非洲結婚，下月尾將在本港補擺喜酒，但場地還仍未決定。笑言不再做大話精的Lisa說：「我哋wedding party係七月二十八日，呢個日子唔特別，係就番我哋同廿四味個期，因為廿四味會唱歌，但要搵一個可容納六至七百人地方好難，又要有位泊車，可能會選擇會所。因為Daniel好懶，唔鍾意布置，總之個場定咗就話你哋知。」
問到誰人支持婚禮費用？Lisa笑說：「梗係老公啦！（預計幾多錢？）唔知，亦唔敢問。」Lisa坦言老爺奶奶不會來港出席婚宴：「因為香港擺完會再喺拉斯維加斯擺，Daniel父母就會喺三藩市飛過嚟。到時我同Daniel會見番好多讀書時嘅同學同朋友，我老友Ana R.都會出席。」Lisa S.自爆在非洲結婚時，因弄污婚紗，至今仍未清潔，故屆時不會穿婚紗。