陳沛嘉戥昔日戰友開心
Maggie Q在港做模特兒時，同期做騷的港模包括有陳沛嘉、周汶錡、陳嘉容和李嘉慧等，對於Maggie覓得貌似基夫修打蘭的男友，昔日同台做騷的戰友也戥她高興。
陳沛嘉表示：「梗係戥佢開心！人每日都係追求愛情、親情，佢算係香港第一個混血model，嗰時做騷得幾個人，所以容易熟啲。雖然唔係交心嘅朋友，但聽到人哋開心自己都好開心。我覺得Maggie好靚，好有女人味，身形好靚，以佢嘅高度行天橋，嗰時嚟講幾突出。」
另一名模楊崢亦說：「Maggie係一個又靚又叻嘅女仔，有拖拍好正常。佢依家喺荷里活發展，見嘅世界會更大。無論佢同邊個拍拖，係荷里活明星又好，普通人又好，作為佢嘅朋友，只要佢開心，都會祝福佢同戥佢開心。」