黃宗澤（Bosco）昨日為新碟舉行簽唱會，由於銷量已達15,000張，Bosco履行承諾，公開早前被禁的露點封套相，睇到粉絲興奮尖叫；大會又安排粉絲向Bosco示愛，有粉絲執西蘭花跪地講「我愛你」，令Bosco冧爆。
現場有港、台、內地、星馬等地逾百粉絲撐場，Bosco多謝粉絲支持時，狂谷淚製造感人場面，至於昨日父親節，Bosco謂晚上與爸爸食飯慶祝，並計劃送層樓做禮物，記者謂可能黃父想飲新抱茶？他笑說：「現樓實際啲，爸爸想抱孫，但依家老婆都未有。（爸爸有冇見過胡杏兒？）好耐之前見過。」
