何傲芝姊妹女大十八遷

古有孟母三遷，而她們的爸爸何世根（Peter）就曾為了女兒搬家十八次：「佢哋每次升學我都好想搬到好近佢哋學校，依家為咗遷就佢哋去電視城返工就搬咗去將軍澳。」雖然他在家中有「老虎」這個綽號，但內心卻十分溫柔，Lily說：「有時我收凌晨三點幾，佢會十二點左右就揸車喺電視城外面等我，同埋每次我夜返，佢都一定會等到我返屋企先瞓，依家我哋唔鍾意叫佢『老虎』，鍾意叫佢做『豆腐』！」

教女應面對困難

每次她們犯錯，爸爸都不會責備，反而會先幫助她們處理問題，就如近日GiGi發生車禍，他第一時間跟太太去醫院探望女兒，還第一次去咗黃大仙還神。車禍後GiGi本想逃避再揸車，但爸爸教她要即時面對，GiGi說：「今次車禍之後我多咗喺屋企食飯，全家都friend晒！」

兩姊妹相當識做，分別餵爸爸食黃金酥及燕窩蛋撻。

兩姊妹送上名貴領帶作父親節禮物。

主動求見樂易玲

一向對女兒着緊的Peter，就算現在女兒都已經脫離校園，不用見家長，但他仍主動要求見她們現任老闆樂易玲！他笑言場面的確像見家長：「佢（樂易玲）真係好好，我知佢平時好忙，但嗰日都抽咗成個鐘同我講，令我更明白兩個女喺娛樂圈發展應該會係點。」有個如此疼愛她們的爸爸，她們亦不禁說出平日難以說出的三個字——我愛你！

文：專案組　攝：唐豁莊　服裝：Bread n Butter（何傲芝）　場地：翠亨邨

髮型：Patrick So@HH hair　化妝：Gigi Chu、Meggy Li@Meggyli.com