杜宇航無懼與甄子丹比較
杜宇航、陳嘉桓與張繼聰昨日出席新片《葉問前傳》宣傳活動，飾演葉問的杜宇航說：「其實冇話驚唔驚外界將我同甄子丹比較，比較一定有，不過我哋製作同動作都好用心，師公葉準仲親自落場，好難得。（請甄子丹睇首映？）師傅有請，但未知佢會唔會嚟。甄子丹係宇宙最好打，我就係運動員出身，攞過世界武術冠軍，不過喺電影圈我係新人，想將來好似洪金寶咁，幕前幕後都咁出色。」
問到為《葉問前傳》唱主題曲的張繼聰，有否收到囝囝送給他的父親節禮物？他說：「佢依家對父親節暫未有概念，囝囝就係我最好嘅父親節禮物。（生多個小朋友？）有打算，但要過幾年先。」
