Suki除奶粉袋當街變身
前日徐淑敏（Suki）與老公黃浩帶囡囡到中環診所做檢查，順便代囡囡揀選父親節禮物給老公。穿上貼身橫間衫的Suki，雖然已回復苗條身形，但上圍依然逼爆，沿途惹來不少途人艷羨目光！
「咪神」徐淑敏（Suki）自去年與黃浩（Kenny）「奉女成婚」後，於今年三月誕下女兒黃心瑤（Vianna），出院後Suki仍堅持餵哺母乳，令上圍明顯升Cup變得更有睇頭。
收身成功
前日下午三時半，Suki一家三口現身中環置地廣場，現場只見Kenny小心翼翼抱住囡囡，一副慈父樣子。雖然Suki穿上黑白橫間長身上衣、貼身Leggings加四吋高踭鞋，但見雙手雙腿相比月前已瘦削不少，可謂收身成功，但其豐滿上圍依然逼爆。問兩人來做甚麼時，Kenny表示要帶囡囡去做定期檢查，之後三人進入了診所林立的中建大廈。
拍拖歎茶
兩個半小時後，二人先將囡囡交予工人帶走，向來貪靚的Suki，亦把原本身上的大奶粉袋換走，孭回逾二萬元的Chanel 2.55手袋，由師奶Look變身「靚太」，與老公繼續在該處拍拖行街。
初為人父的Kenny，提到父親節如何度過，他說：「會一家人食飯慶祝。（開唔開心？）梗係開心啦！」他表示今年由老婆代表囡囡送禮物，再問Suki送甚麼禮物給老公時，她說：「依家就係諗緊送乜，一陣行吓睇吓有乜嘢啱佢。」之後兩公婆往名店Dior睇男裝，但逛完一輪卻沒有斬獲。離開時，沿途有不少途人認出Suki，並不時眼望望，但她一於少理，最後她與老公往五樓一間餐廳撐枱腳歎茶。
文、攝：追蹤組