莊思敏唔信黑幕撐妹入三甲
因李文煊得無綫優待又被指內定冠軍，迫使原本是熱門的莊思明亦淪為「陪跑」佳麗，但其姊莊思敏卻稱暫未聽到妹妹有退選之意。她說：「比賽係有好多觀眾睇住，造馬唔容易，好難夾硬畀個冠軍佢嘅，（對個妹有信心？）有，三甲都有機會，退選每年都傳，不可盡信，我同個妹傾偈都唔覺佢唔開心。」
正於印度拍外景的莊思明一直身體不適，據知她因愛犬死去而哭至崩潰。她說：「由落機至今都發燒，我冇藥食要等自己好，我好掛住屋企，每晚都打電話畀阿媽，出發前最錫隻狗又死咗，阿媽好傷心，我都好擔心佢。」
另大會統籌經理何麗全則否認有偏幫成分。他昨說：「根本就係無中生有，連評判人選都未有，點偏幫？點內定？（點解李文煊有特權唔使除佛珠飾物？）我哋唔贊成佳麗戴名貴首飾拍嘢，但宗教飾物，例如十字架、佛珠，我哋會尊重，准佢哋戴。（點解佢抽籤成日抽中？）絕對冇偏幫，過往夠有好多勁後台嘅佳麗啦！呢樣嘢我會去了解番，會安撫番啲女仔。」