謙仔(2)張莉莎冇feel拉唔埋

(2)張莉莎以「O嘴」來回應與羅仲謙的緋聞，她說：「同佢都冇乜傾過偈，同車都好少傾，完全唔知發生乜事，唔知點解咁寫，好搞笑，好O呀！（撻着咗？）唔知點畀反應，同佢識咗唔耐。（鍾意謙仔呢類型？）佢正常男仔樣。」

瞓覺時間都唔夠

問(2)張莉莎是否嫌謙仔唔夠靚仔？她說：「唔係，佢好靚仔，好適合呢行，我唔係只睇外形，我要講feel。（你兩個夜晚失蹤？）冇可能，我同房(10)馬鈞怡可以做證，我哋每日瞓得一、兩個鐘，唔瞓冇得瞓，仲點失蹤？」

謙仔亦對緋聞搔晒頭，說與(2)並非特別好傾，身為嘉賓都要同女仔傾吓偈。問是否就此撻着？他說：「冇咁嘅事，我都想知點解話我失蹤，拍嘢期間失蹤即係話我失職，監製同馬國明可以證明我冇。（拍完至失蹤？）唔會，此行好忙，本來諗住拍完嘢可以做健身，原來連瞓覺時間都唔夠。」

(2)張莉莎與羅仲謙無端端傳緋聞，當堂O晒嘴。

各佳麗興致勃勃參觀印度地氈工廠。

健談活躍但唔啱

謙仔覺得(2)張莉莎頗健談、活躍，但不是他鍾意的類型，冇可能發展。對方曾傳整容，謙仔說沒有留意有關新聞，亦沒有問，輕微整容還可以，但不能接受隆鼻、隆胸。

而(6)林碧珍則否認曾有男人求婚，並說冇男友、冇人求婚、冇收過鑽戒，經常被人起底，已經麻木？她強調不想私事被外界知道晒！「密實湯唯」(11)李文煊花逾百美元掃絲巾，卻被發現她面有粒粒，狀態回落的她說：「可能來到印度成日要化妝，又唔夠瞓。（有乜方法補救？）可能冇得救！（怕捱唔住？）開始習慣。」平日她講慣英文少講廣東話，擔心問答環節有障礙，有意上堂學廣東話。