梁詠琪幫舊愛講好話
梁詠琪（GiGi）昨日為下月推出的專輯到電台宣傳，問到新碟會否送給舊愛鄭伊健？GiGi愕然說：「點解會講到佢？所有朋友都會送，最好買一送一啦。」反而回應法籍前男友Sly大方得多，他說：「佢都唔係好聽中文歌，話中文歌首首都差唔多，不過都好，點醒我去做一首唔同嘅中文歌。（冇聽你啲歌？）梗係有，雖然唔識中文，但佢都好多朋友會同佢講番。」隨即叫記者手下留情，說：「唔好寫到咁衰，寫好少少。」GiGi坦言新公司沒有唱片部，故新碟由她一腳踢，她說：「公司只係金錢上支持我，揀歌、搵人填詞都係親自去搵，今次碌咗唔少友情卡。」
