DaDa送奶報發育之恩
明日是父親節，一眾藝人名人紛紛出招孝敬父親，賭王千金何超蓮孖男友拍拖揀父親節禮物，梁靖琪亦陪父親到街市買餸返家享天倫。當中最出位的算是𡃁模陳靜（DaDa），自爆其33D身材全靠父親經常買牛奶給她飲所致，父親更讚她「愈來愈大」，故DaDa親自炮製牛奶果凍報答父親的「發育之恩」。
「百果園咪神」DaDa的父母，在她四、五歲已離婚，DaDa與姊姊一直跟媽媽生活，但兩姊妹與父親仍關係良好。可能因沒有與父親一起住，故DaDa更珍惜大家的相處時間。
父親：「愈嚟愈大！」
一向以性感示人的DaDa笑言，其身材成為兩父女之間的熱門話題：「爸爸成日同我講『阿女原來你身材都幾好，愈嚟愈大喎！』佢講呢啲我唔覺得尷尬㗎！因為知佢錫我，做乜佢都會支持，依家佢仲做咗我fans，成日幫我剪報添。」
DaDa能擁33D美好上圍，全靠年幼時父親經常買牛奶給她飲，令她對奶類飲品有特別喜好，故現時身材如此豐滿。為了報答父親「發育之恩」，DaDa表示趁父親節親自炮製牛奶果凍給父親品嘗，以答謝他一直的關愛。她說：「好多人入娛樂圈可能都會承受屋企人嘅壓力，但爸爸就同我講做每一件事都要盡力，我真係好感激佢。所以今年真係想趁呢個節日，同爸爸講句『父親節快樂！爸爸我知你好愛我，多謝你！』」
文：影視組